Siglir tar il cuntegn

Header

cuntegn

Grischun Central Duas vischnancas «povras» duain fusiunar

La populaziun da Bravuogn e da Filisur è vegnida infurmada per l’emprima giada davart ils detagls da la fusiun planisada. Ils plans da la gruppa da project prevesan tranter auter, da far l’administraziun communala a Bravuogn, e da definir Filisur sco lieu da scola principal.

Quant auta che la contribuziun dal chantun per la fusiun vegn ad esser, n’è betg anc cler. Probablamain decida la regenza il favrer davart sia contribuziun. Sco quai che Simon Theus da l’uffizi da vischnancas ha ditg a la saira d’infurmaziun a Bravuogn, saja questa contribuziun fitg impurtanta, da pudair sminuir ils debits da 24.5 milliuns francs da las duas vischnancas en Val d’Alvra.

Betg realistic saja, che Filisur e Bravuogn possian cun ina fusiun sbassar il pe da taglia ch’è actualmain tar omaduas tar 130%. Igl è planisà, che la nova vischnanca fusiunada duai ir en vigur sin l’entschatta dal 2017. Il suveran duai era pudair decider, sche la nova vischnanca duai avair num Bergün-Filisur u Ela.

RR Actualitad bunura 06:00

Artitgels legids il pli savens