Legenda:
Urs Cadruvi, il secretari da la LR en discurs cun Ursina Solèr e Renato Dosch.
RTR, T.Poltera
cuntegn
Grischun Central - Dumbraziun da Rumantschs en Grischun Central
La Lia Rumantscha tschertga las Rumantschas ed ils Rumantschs. Enfin il 2019 - l'onn dal giubileum da 100 onns - duess la dumbraziun mussar quantas persunas che sa sentan rumantschas, tuttina sch'ellas diuscurran perfetgamain rumantsch u persunas che han emprendì rumantsch.
Il di da dumbraziun uffizial en il Grischun Central n'ha betg purtà il success giavischà. Ad Andeer, Mathon e Casti èn las Rumantschas ed ils Rumantschs stads rars.
Legenda:
Urs Cadruvi, secretari da la Lia Rumantscha.
RTR. T.Poltera
Pir a Savognin ha la dumbraziun er purtà registraziuns. Per Urs Cadruvi, secretari da la Lia Rumantscha, è la qualitad da mintga singul inscunter pli impurtanta che la quantitad.
Las 60 inscripziuns en il Grischun Central sajan da valitar sco fitg bunas, uschia ch'ins ha enfin ussa totalmain 5'000 Rumantschas e Rumantschs ch'èn s'enscrits l'emprim onn. Enfin il 2019 - l'onn dal giubileum da 100 onns da la Lia Rumantscha - vegn dumbrà enavant.
