En il center dals 26avels Dis dal film mundial a Tusaun ch'attiran en media 80 fin 100 persunas stattan las istorgias da dunnas da l’entir mund.
- Per exempel «Sonita»: Ina giuvna da 18 onns. Ella è fugida da l'Afganistan en l’Iran. Ussa vul ella far carriera sco rappunza.
- U «Mary Kom»: Ina giuvna da l’India. Ella vul daventar boxista e vegn – malgrà differents impediments – fin tar ils gieus olimpics.
U «Ken Bugul»: La scriptura dal Senegal ch'ha 69 onns. Ella n’ha mai sa laschà supprimer ed ha adina cumbattì cunter la censura e per l’egualitad dals dretgs.
Bugul è era preschenta persunalmain a Tusaun per in discurs ed ina prelecziun davart il film documentar sur da sia vita e sur da sia ovra litterara.
Tranter ils 40 films sa chatta era il drama da fugitivs «Reise der Hoffnung» da Xavier Koller, filmà als lieus d’acziun reals sin il Pass dal Spleia.
Pionieras dal mintgadi
Dunnas fermas e curaschusas datti era tar nus: Las pionieras dal mintgadi. Ils 08.03.2016 è stà il di internaziunal da las dunnas. Dunnas tranter famiglia e lavur. Dentant: co va quai? Nus dain in sguard multifar sin «las dunnas».
RR actualitad bunura 06:00
