Siglir tar il cuntegn

Header

Video
Dus Sutsilvans a la photoSchweiz19
Or da Telesguard dals 11.01.2019.
laschar ir
cuntegn

Grischun Central Dus Sutsilvans tranter ils top fotografs

Casper Nicca da Casti en Val Schons e Mathias Kunfermann da Sched en Tumleastga exponan lur fotografias en ina da las pli grondas exposiziuns da quest gener en l’Europa, a la PhotoSCHWEIZ19 a Turitg. Lur stils e manieras da lavurar èn dentant cumplettamain differents.

Mathias Kunfermann è fotograf professiunal cun atgna fatschenta. Per ses exponats è el ì a Murmansk en la Sibiria. Cun ina camera speziala ha el fotografà la citad da notg e chattà colurs impressiunantas en quest lieu ch’è uschiglio tut auter ch'in mund intact.

Port da Murmansk.
Legenda: Port da Murmansk. Mathias Kunfermann

Casper Nicca è redactur da RTR e fotograf da hobi. El lavura cun ina camera analoga e per il pli cun maletgs en alv e nair. Ses motivs chatta el surtut en la natira da la regiun u en l’agricultura.

Ballas da silo en alv e nair.
Legenda: Ballas da silo. Casper Nicca

Lur ovras èn exponidas ensemen cun quellas da 200 auters expositurs. L’exposiziun ch'ha lieu dapi ils 10 ed anc fin ils 14 da schaner a Turitg quinta cun var 30'000 visitaders.

RTR Telesguard 17:40

Dapli da Grischun Centralavrir la Landingpage

Nach links scrollen Nach rechts scrollen