Siglir tar il cuntegn

Header

cuntegn

Elecziun a Bravuogn Filisur Sulettamain Luzi Schutz candidescha

Luzi Schutz candidescha danovamain sco president communal da la vischnanca Bravuogn Filisur. L’elecziun è ils 27 da settember a l’urna.

Enfin uss è Luzi Schutz il sulet candidat per il presidi per la perioda d’uffizi che dura dal 2021 fin 2023. Quai ha el confermà envers RTR. In termin per inoltrar candidaturas na datti betg – elegiblas èn tut las persunas ch’han il dretg da votar en vischnanca.

En suprastanza datti ina demissiun, ord motivs persunals na candidescha Reto Bachmann betg pli per in’ulteriura perioda d’uffizi. L’elecziun da la suprastanza communala e d'auters uffizis da vischnanca – è l’october da quest onn.

La vischnanca Bravuogn Filisur exista dapi il schaner 2018. Ella è vegnida furmada or da las dus vischnancas Bravuogn e Filisur.

audio
Per tadlar curt e cumpact
ord RTR Audio dals 31.08.2020. Maletg: RTR
laschar ir. Durada: 48 Secundas.

RTR novitads 12:00

Artitgels legids il pli savens