L'Allianza dal Center va en il cumbat cun Kaspar Jörger, ina persuna enconuschenta en il Grischun. El è stà veterinari chantunal ed el ha manà l'Uffizi da segirezza da victualias e sanadad dal Grischun. Cun ses 64 onns saja el pertschert ch'i pudess dar in cumbat electoral giuven encunter vegl, ha el ditg envers la Fundaziun Medias Rumantschas.
Ses adversari Maurin Malär, ha mo 33 onns ed è sa profilà en la politica communala, tranter auter sco president dal parlament da vischnanca da Vaz. Il giuven Malär lavura da preschent en la sparta turissem sco organisatur d'events. Plinavant è el er president da l'uniun da giuventetgna da Vaz.
Omadus candidats èn da l'avis ch'i saja impurtant ch'ils da Vaz hajan ina schelta tar l'elecziun dal presidi. Elegì vegn lura la fin d'avust.
