Siglir tar il cuntegn

Header

Navigaziun

Legenda: Tadlar il audio Saira: Emploiads dal Cube spetgan anc adina sin las pajas. Durada 02:45 minutas.
02:45 min, Actualitad dals 25.01.2019.
cuntegn

Grischun Central Emploiads dal «Cube» spetgan sin lur raps

Plirs anteriurs emploiads dal Cube a Savognin spetgan anc adina sin lur paja da l'october.

Ils emploiads emprovan dapi trais mais da survegnir lur davosa paja da l'hotel ch'ha serrà l'atun passà: Telefons na vegnan betg prendids encunter, sin mails na datti naginas respostas ed admoniziuns inscrittas returnan. In dals pertutgads ha confermà envers RTR in artitgel da la gasetta Südostschweiz.

Vegnì saja unicamain il rendaquint da la paja, dentant betg ils daners ed er betg ina communicaziun uffiziala pertge ch'els na survegnian betg lur pajas. Sin dumonda haja gì num, ch'ins haja actualmain chaussas pli impurtantas da far che da pajar las pajas ad anteriurs collavuraturs.

Al persunal da l'hotel Cube resta be la via giuridica da pretender la paja da l'october, quai ha ditg il president da Hotellerie Suisse, Andreas Züllig, sin dumonda da RTR. L'uniun tetgala da la hotellaria sustegnia ils emploiads en dumondas dal dretg. En pli sa mussa Züllig surstà, ch'il Cube ch'è serrà dapi il settember, n'adempleschia betg tut sias obligaziuns envers il persunal.

L'hotel da designer Cube era vegnì serrà surprendentamain il settember passà.

RR novitads 08:00