Siglir tar il cuntegn

Header

cuntegn

Grischun Central Emprim festival da dialects ha cumenzà

L’emprim «Mundartfestival» vul dar ina plattafurma a la cultura da dialects en tut sias fassettas. Dapli che diesch artistas ed artists sa preschentan mintgamai a Lai ed Arosa. A Cuira datti ina discussiun da podium che tematisescha il tudestg dal Grischun ch’è pli popular ch’il tudestg da Turitg.

Il directur artistic dal festival è il cabarettist, columnist e schurnalist Bänz Friedli. «Cun il festival vulain nus mussar la gronda diversitad dals dialects svizzers ch’i dat, e cun quai era ils differents geners che van da slam poetry sur romans e poesia fin tar il rock».

Bänz Friedli, il directur artistic dal festival da dialects.
Legenda: Bänz Friedli, il directur artistic dal festival da dialects. mad, Verena Hartmann

Il festival duai er promover il barat tranter tut las artistas ed ils artists, la gronda part da l’onn sajan els gea sulets sin turnea. Cun la schelta d'artistas ed artists è Bänz Friedli fitg cuntent, uschia possia el beneventar al festival propi quels che plaschan fitg bain ad el. Ad ina discussiun da podium en il Hotel Chur è vegnì discutà la gievgia saira en moda divertenta davart la dumonda: Pertge è il tudestg da Turitg uschè malvis ed il dialect grischunais uschè popular?

RR actualitad 11:45

Artitgels legids il pli savens