Siglir tar il cuntegn

Header

audio
Mezdi: Emprim Streetfoodfestival ad Andeer
Or da Actualitad dals 27.05.2019.
laschar ir. Durada: 4 minutas 8 Secundas.
cuntegn

Grischun Central Emprim Streetfoodfestival ad Andeer

Andrina Michael d’Andeer ha organisà in Streetfoodfestival cun divers concerts sin la plazza da scola ad Andeer. Quai ha la studenta da la scola chantunala fatg en il rom da sia lavur da matura. L'interess per il festival è stà fitg grond.

Cura che Andrina Michael ha visità il Streetfoodfestival da Cuira l’onn passà, ha quel plaschì ad ella uschè bain, ch’ella ha decidì da realisar in tal festival en Val Schons. Bleras uras d’organisaziun haja ella investì en quest project, ha ella ditg envers RTR.

Il festival è stà visità fitg bain, era la plievgia ch’è vegnida vers saira n’ha betg stgatschà ils visitaders. Als stans da mangiar hai dà tratgas da l’entir mund da 18 pajais, tranter auter da la Brasilia, il Mexico, Taiwan, la Russia u Sri Lanka.

Forsa n’è il Streetfoodfestival betg stà il davos ad Andeer. Sco quai che Andrina Michael ha ditg, possia ella s’imaginar ch’i pudess dar ina cuntinuaziun dal festival. La responsabladad pudess in comité d’organisaziun surpigliar.

RR actualitad 11:00

Artitgels legids il pli savens