Siglir tar il cuntegn

Header

video
Tunnel da l'Alvra – Perfuraziun da l'emprima part
Or da Telesguard dals 17.10.2017.
laschar ir
cuntegn

Grischun Central Emprima perfuraziun gartegiada al tunnel da l'Alvra

Oz è in di decisiv per la Viafier retica: Tar la construcziun dal nov tunnel da l'Alvra, han ils miniers cuntanschì la caverna e surmuntà la zona geologica difficultusa «Raibler Rauwacke».

Curt avant mezdi han ils miniers da la vart da Preda perfurà la caverna, ch'è vegnida construida gia avant in onn per stabilisar il grip porus en la zona geologica difficultusa, la «Raibler Rauwacke». Cun la perfuraziun da la caverna che sa chatta 1'300 meters dadens il portal dal tunnel è surmuntada la sfida la pli gronda da la construcziun, scriva la Viafier retica. Las lavurs da stabilisar il grip cun in sistem da schelar sajan stadas in success.

Il stan da la fin d'avust.
Legenda: Il stan da la fin d'avust. Viafier retica

Lavurs s'avanzan tenor plan

Gia dapi dus onns vegn lavurà cuntinuadamain vi da la construcziun per il nov tunnel da l'Alvra. Bun la mesadad dal tunnel che vegn ad avair ina lunghezza da 5'860 meters è gia rutta ora. Tenor la Viafier retica s’avanzan las lavurs tenor plan. La perforaziun è planisada per l'atun 2018. Era da la vart da Spinas èn gia vegnids perfurads radund 1.5 kilometers dal grip. Il nov tunnel duess vegnir avert en radund quatter onns. Or dal tunnel vegl vegn fatg in tunnel da segirtad.

video
«Rauwacke» – zona geologica difficultusa
Or da RTR dals 17.10.2017.
laschar ir

RR novitads 06:00

Artitgels legids il pli savens

Scrollar a sanestra Scrollar a dretga