Ni il guardiaselvaschina ni traplas da fotos han fin ussa pudì confermar las obervaziuns. Mez avrigl 2016 han ins chattà rests d'excrements, che conferman ussa la preschientscha da l'animal. Cun in'analisa da gens èn ils excrements vegnids identifitgads sco excrements d'ina ludra.
Dapli
La ludra è morta ora en la Svizra l'ultim tschientaner. Per l'emprima giada han ins pudì observar ina ludra il december 2009, medemamain en il Grischun. A Rehanau è l'animal vegnì filmà d'ina camera ch'observa e surveglia la migraziun da peschs. Dapi il 2010 mancan dentant ils fastizs da quest animal.
Dapi lura han ins pudì identifitgar cleramain ulteriurs tschintg exemplars en Svizra. Las ultimas observaziuns derivan da la regiun da Berna ed il chantun Genevra. Tranter Thun e Berna ha ina trapla da fotografia schizunt pudì fotografar l'onn passà regularmain in'entira famiglia da ludras.
RR novitads 11:00