Cun l’opera «Benjamin» vegn inaugurà ils 17. da fanadur 2015 a Riom il nov center cultural dal Festival Origen. Cun quest nov center survegn Origen per l’emprima giada in teater, nua ch’ins po mussar represchentaziuns er l’enviern.
Actualmain èn ins aunc vi da las davosas lavurs.
L’opera Benjamin è in’istorgia d’ina famiglia cun 12 uffants, nua ch’ils frars vegls vegnan schiglius sin il giuven, i suonda ina gronda charplina. Il giuven vegn vendì en terras estras e fa là carriera, e salva la fin l’entira famiglia. «Igl è ina istorgia prest sco ina praula or dal testament vegl cun ina gronda tradiziun rumantscha, perquai che quai è stà l’emprim toc da teater ch’è vegnì inscenà da Gian Travers, il 1’534 a Zuoz», ha ditg Giovanni Netzer, l’intendant d’Origen e reschissur da l’opera Benjamin. En l’opera vegn chantà en rumantsch, latin e talian.