Siglir tar il cuntegn

Header

video
Festival da cultura a Lain, Muldain e Zorten
Or da Telesguard dals 11.10.2019.
laschar ir. Durada: 2 minutas 54 Secundas.
cuntegn

«Er qua è mund» Istorgias d'emigraziun dal Surmeir

La periferia da Vaz ha in'istorgia d'emigraziun pac enconuschenta. Quai sa duess uss sa midar cun ils dis da cultura.

Avant var 150 onns han blers abitants da Vaz bandunà lur patria ed èn emigrads en l'exteriur. Daplirs ch'ins ha pensà enfin ussa. Donat Rischatsch, ch'è creschì si a Vaz, è vegnì a savair quai atras sias retschertgas.

«Er qua è il mund»

La maioritad dals emigrants è ida a l'Europa, in per singuls a l'America. Uschia era Hilarius Rischatsch. Il medi n'è betg stà cuntent cun il svilup a Vaz ed è perquai ì a Dubuque en il stadi da Iowa. Là ha el vivì ina vita sco medi cirquital ed è para stà fitg cuntent. El è numnadamain mai vegnì enavos a star a Vaz. En ina brev a sia famiglia ha el scrit «er qua è mund». Quai per quietar la famiglia e per dir, ch'el haja ina buna vita en America.

Quel motto «er qua è mund» han ils organisaturs dals dis da cultura surprendì. Ils dis da cultura a la periferia da Vaz, vul dir a Lain, Muldain e Zorten, vulan far attent sin l’istorgia d'emigraziun da lur antenats, sco era mussar ch'i dat anc massa cultura e vita en la periferia.

TSG 17:40

Artitgels legids il pli savens