Explotaziun d'arom - Archeologs chattan adina dapli fastizs en il Surses - Novitads

Explotaziun d'arom Archeologs chattan adina dapli fastizs en il Surses

En il Surses han archeologs chattà ils davos 6 onns divers lieus nua ch’i vegniva explotà arom. Ussa èsi cler: La dimensiun da quellas scuvertas daventa adina pli gronda.

Autur: Federico Belotti

Sis gallarias cun ina lunghezza d’enfin 30 meters e dapli che 80 furns da luar han archeologs e students da l’universitad da Turitg chattà enfin oz en il Surses. Impressiunant saja surtut l’autezza nua ch’i vegniva lavurà: Enfin sin 2500 meters sur mar hajan ins chattà fastizs da las explotaziuns, ha ditg Rouven Turck, collavuratur scientific da l’universitad da Turitg.

Da san.: Carlo Nüssli, student d'archeologia, Rouven Turck, collavuratur scientific universitad Turitg, Joëlle Jäger, studenta d'archeologia.

Maletg 1 / 5

Legenda: Da san.: Carlo Nüssli, student d'archeologia, Rouven Turck, collavuratur scientific universitad da Turitg, Joëlle Jäger, studenta d'archeologia. RTR, Federico Belotti

Maletg 2 / 5

Legenda: En questa galaria che vegn explotada il mument sur Marmorera, è da vesair il malachit ch'ha ina colur blaua. RTR, Federico Belotti

Rouven Turck da l'universitad Turitg en la galaraia dad 8 meters lunghezza sur Marmorera.

Maletg 3 / 5

Legenda: Rouven Turck da l'universitad da Turitg en la gallaria dad 8 meters lunghezza sur Marmorera. RTR, Federico Belotti

Rouven Turck, collavuratur scientific da l'universitad Turitg maina ils camps dals students d'archeologia che vegnan mintga stad en il Surses a far lur perscrutaziuns.

Maletg 4 / 5

Legenda: Rouven Turck, collavuratur scientific da l'universitad da Turitg maina ils camps dals students d'archeologia che vegnan mintga stad en il Surses a far lur perscrutaziuns. RTR, Federico Belotti

Là nua che la terra è cotschna (da vesair davent dal lai da Marmorera) èn anc da vesair bain ils fastezs nua ch'i vegniva gudagnà arom or dal grip.

Maletg 5 / 5

Legenda: Là nua che la terra è cotschna (da vesair davent dal lai da Marmorera) èn anc da vesair bain ils fastezs nua ch'i vegniva gudagnà arom or dal grip. RTR, Federico Belotti

Ussa èsi cler: Las scuvertas han ina vegliadetgna d’enfin 3000 onns, quai mussan provas ch’èn vegnidas fatgas da las restanzas dals charvuns. Ils furns e las gallarias en il Surses valan sco las pli veglias scuvertas da la metallurgia Svizra.