Siglir tar il cuntegn

Header

Video
Surses: Chattà il pli vegl lieu da la Svizra davart l’explotaziun d’arom
Or da sil punct dals 07.08.2019.
laschar ir
cuntegn

Explotaziun d'arom Archeologs chattan adina dapli fastizs en il Surses

En il Surses han archeologs chattà ils davos 6 onns divers lieus nua ch’i vegniva explotà arom. Ussa èsi cler: La dimensiun da quellas scuvertas daventa adina pli gronda.

Sis gallarias cun ina lunghezza d’enfin 30 meters e dapli che 80 furns da luar han archeologs e students da l’universitad da Turitg chattà enfin oz en il Surses. Impressiunant saja surtut l’autezza nua ch’i vegniva lavurà: Enfin sin 2500 meters sur mar hajan ins chattà fastizs da las explotaziuns, ha ditg Rouven Turck, collavuratur scientific da l’universitad da Turitg.

Ussa èsi cler: Las scuvertas han ina vegliadetgna d’enfin 3000 onns, quai mussan provas ch’èn vegnidas fatgas da las restanzas dals charvuns. Ils furns e las gallarias en il Surses valan sco las pli veglias scuvertas da la metallurgia Svizra.

RR actualitad 12:00