Siglir tar il cuntegn

Header

video
L'exposiziun «Baba Uffer – en pleina splendur»
Or da Telesguard dals 25.01.2023.
laschar ir. Durada: 3 minutas 25 Secundas.
cuntegn

Exposiziun Baba Uffer en splendur

Ella è da vesair sin blers maletgs: Baba Uffer da Savognin, ch’è durant plirs onns stada il model dal pictur artist Giovanni Segantini. Ad ella è deditgada l’exposiziun actuala a Savognin. L'exposiziun vegn realisada da Juliane Christine Sauer da Son Gagl.

Per il solit è Baba Uffer da vesair cun in vestgì da launa blaua e grevs chalzers sin las picturas da Segantini. Baba Uffer è er stada la matta d’uffants ed emploiada da chasa dal pictur artist enconuschent ch’ha vivì tranter ils onns 1886 fin 1894 a Savognin. L’exposiziun illuminescha la vita da Baba Uffer, ses svilup sco model ed il svilup da la pictura. Barbara Uffer, numnada Baba, è creschida si a Savognin cun sis fragliuns. Cun 13 onns è ella vegnida emploiada da Segantini. Il 1894 è ella suandada cun la famiglia Segantini en l’Engiadin’Ota.

audio
Exposiziun sur da Baba Uffer a Savognin
ord Actualitad dals 17.12.2022. Maletg: RTR
laschar ir. Durada: 3 minutas 30 Secundas.

Er suenter la mort da Segantini è ella restada cun Bice ed ils uffants. Suenter 19 onns lavur per la famiglia Segantini ha Baba il 1905 maridà il vaiv Tsapsper Spinatsch, cun el è ella ida ad abitar a Son Gagl. Dasper il figliaster Franz ha Baba gì trais agens uffants. Franziska, Peter e Margaritta. Cun la famiglia Segantini ha ella gì ina buna relaziun. Il 1935 è ella morta vi da cancer en la vegliadetgna da 62 onns.

Infurmaziuns davart l'exposiziun

Avrir la box Serrar la box

L’exposiziun anc cuzza fin ils 25 da favrer. Las uras d'avertura èn da chattar sut la pagina da l'exposiziun. Fin ussa han gia dapli che 400 persunas visità l'exposiziun.

 Or da l'archiv:

video
Baba (Barbara Spinatsch-Uffer)
Or da Cuntrasts dals 26.09.1999.
laschar ir. Durada: 5 minutas 46 Secundas.

RTR actualitad 07:00

Artitgels legids il pli savens