Duas giadas hai brischà venderdi notg en il Grischun. Pervi da chandailas hai brischà a Fanas en il Partenz en in'abitaziun. L'um ch'era en l'abitaziun haja stizzà il fieu anc avant ch'ils pumpiers sajan arrivads, scriva la Polizia chantunala. En l'ospital a Schiers han ins lura examinà sche l'um haja ina tissientada da fim.
Il segund incendi è capità sin in'acla sur Stierva. Las duas persunas en l'acla han dà alarm ed ils pumpiers da Surses han stizzà il fieu. Tenor la polizia è il fieu rut ora enturn il chamin. Il donn material schazegià la polizia sin plirs dieschmilli francs.