Il project duai vegnir realisà dal producent d’electricitad Alpiq. Sco quai che Xavier Sinnhuber, il manader da las energias regenrablas ha ditg sin dumonda da RTR, saja ussa il dretg mument da lantschar quest project. Pertutgand las contribuziuns da la confederaziun haja quai dà midadas, l'Alpiq quinta che 50% da las investiziuns da construcziun vegnan subvenziunadas. Sur il contract da concessiun che duess cuzzar 60 onns vegnia l'ovra idraulica a render. La vischnanca vul sa participar cun 30-35%. Fin ussa è gia vegnì investì radund 875'000 francs vi dal project, da quels daners ha la vischnanca pajà 70%, è da leger en il messadi. Il president communal Mischa Gallati ha ditg, che la vischnanca haja adina vulì sviluppar vinavant il project, era sche betg tut saja ì tenor plan fin oz.
Betg in nov project
Farera sa fatschenta gia dapli che 10 onns cun il project. L’onn 2020 èn duas interpresas da Cuira sortids dal project. Cun l’Alpiq haja la vischnanca chattà in partenari cumpetent, è da leger en il messadi. Ils plans prevesan da construir la centrala cun turbina a Farera/Ausserferrera, dasper il Ragn da Farera. Cun tge entradas che la vischnanca po quintar n'è betg anc cler en detagl. Sche tut va tenor plan, duessan las lavurs da construcziun cumenzar la primavaira dal 2024, vi da la rait pudess l'ovra idraulica lura ir l'atun dal 2025.
-
Bild 1 von 11. Quai è la lingia d'aua dal vegl project. Bildquelle: Widmer Ingenieure AG.
-
Bild 2 von 11. Visualisaziun dal project ch'è vegnì sistì il 2020. Bildquelle: Widmer Ingenieure AG.
-
Bild 3 von 11. Visualisaziun dal project ch'è vegnì sistì il 2020. Bildquelle: Widmer Ingenieure AG.
-
Bild 4 von 11. L'Aua da Mulegn dasper l'Alp Sut Fuina duess vegnir nizzegiada per la producziun d'electricitad. Bildquelle: Federico Belotti.
-
Bild 5 von 11. Mischa Gallati, il president communal da Farera vesa gronds avantatgs cun bajegiar la nov'ovra idraulica pitschna. Bildquelle: Federico Belotti.
-
Bild 6 von 11. Sin quest prà cun vista sin Farera (Ausserferrera) duess vegnir construida la centrala cun las turbinas. Bildquelle: Federico Belotti.
-
Bild 7 von 11. Sut questa via da guaud èsi planisà da metter la lingia da pressiun sutterrana. Bildquelle: Federico Belotti.
-
Bild 8 von 11. La tschiffada d'aua duess vegnir construida tar la punt. Bildquelle: Federico Belotti.
-
Bild 9 von 11. Qua duess l'aua da la centrala l'emprim cullar en l'Aua da Muelgn e suenter en il Ragn da Farera. Bildquelle: Federico Belotti.
-
Bild 10 von 11. L'Aua da Mulegn dasper l'Alp Sut Fuina duess vegnir nizzegiada per la producziun d'electricitad. Bildquelle: Federico Belotti.
-
Bild 11 von 11. Sut questa via da guaud èsi planisà da metter la lingia da pressiun sutterrana. Bildquelle: Federico Belotti.
Novas lingias d'electricitad
Plinavant ha la radunanza communala da Farera approvà in credit da trais milliuns francs. Durant ils proxims sis onns duai vegnir sanada diversa infrastructura, tranter auter duai dar novas lingias d’electricitad.