La radunanza communala da Farera ha approvà in credit posteriur da 40'000 francs per sanar il tetg dal restaurant «Alpenrose». La chanzlia communala infurmescha davart quellas decisiuns da la radunanza en ina communicaziun.
Ultra da quai ha il suveran approvà il preventiv da l’auter onn. Quel prevesa in deficit da 10'000 francs tar entradas da quatter milliuns francs.
Il quint d'investiziuns prevesa posts per la punt Pro Sur Ragn, il project da sanaziun da la via da Farera interiur e la sanaziun dal provediment d'aua Starlera. Il pe da taglia restia tar 70% da la taglia chantunala simpla.
