La radunanza communala da Farschno ha approvà unanimamain il preventiv da l'onn 2024. Tar expensas totalas da 1,8 milliuns francs prevesa quel in deficit da bunamain 72'000 francs, scriva la vischnanca. Il pe da taglia resta sco fin qua tar 100% da la taglia chantunala simpla.
En pli ha il suveran da la citad da Farschno er approvà il barat da terren ed il credit per la nova fermada dal bus. La radunanza ha decidì da midar l'illuminaziun sin LED ed approvà la nova lescha da pumpiers.