Siglir tar il cuntegn

Header

audio
La fascinaziun da Jolanda Pratico da far iert
Or da Actualitad dals 28.07.2021.
laschar ir. Durada: 02:58 minutas.
cuntegn

Fascinaziun far iert In iert da recreaziun en la Val Schons

Flurs da tuttas colurs, verduras ed ervas creschan en l'iert da Jolanda Pratico a Parzen, ina pitschna vischnanca en la Muntogna da Schons. L'iert da Jolanda Pratico è en sasez in iert communabel, da quel che l'ortulana parta gugent la racolta cun parents e vischins.

Legenda: Ses iert è per Jolanda Pratico dapli ch'in lieu da racolta – in lieu da paus e ruaus. RTR

In'oasa da ruaus e da paus

En general porta l'iert da Jolanda Pratico fitg buna racolta. Qua dettia fritgs e verdura per l'entir enviern. Quai plascha a l'ortulana, perquai ch'ella na sto betg cumprar fritgs e verduras en butia. Ella sa era exact, danunder che sias victualias vegnan e che questas creschan praticamain senza pesticids. Quai è fitg impurtant per l'ortulana. La racolta n'è dentant betg la suletta chaussa impurtanta. Per ella è l'iert in lieu da sa revegnir da las stentas dal di – ina oasa da ruaus e paus.

Sche jau hai forsa ina giada gì grittas, vom jau ora en l'iert e lura passan quellas grittas.
Autur: Jolanda Pratico Ortulana

L'effect da las malauras en l'iert

audio
Ils donns en l'iert da Jolanda Pratico
02:40 min, Actualitad dals 28.07.2021.
laschar ir. Durada: 02:40 minutas.

Pervia da las malauras da las emnas vargadas ha Jolanda Pratico gì in zic dapli lavur en ses iert. La plievgia e la granella n'han dentant betg donnegià bler. Sulettamain las frajas e la maila hajan suffrì in zic. Suc da maila na vegnia probablamain betg a dar quest onn.

Fin uss è Jolanda Pratico cuntenta cun la stagiun da stad. La plievgia na saja betg stada in grond problem. Ella haja dentant gì bregia cun las temperaturas fraidas da la primavaira passada. Uschia haja ella pudì semnar pir fitg tard quest onn.

Legenda: Jolanda Pratico ha pudì semnar pir tard, è però cuntenta cun la racolta. RTR

RTR actualitad 08:00

Artitgels legids il pli savens

Scrollar a sanestra Scrollar a dretga