Grischun Central - Ferm vent derscha 100 plantas sur Cazas
Il stemprà da mesemna saira ha derschì enturn las 20:00 radund 100 plantas en il guaud sur il vitg da Cazas. Il territori pertutgà ha ina grondezza da 100 sin 150 meters.
Tenor il selvicultur responsabel, Kenneth Danuser, saja la via che maina vers l’aclaun da Rentiel stada serrada enfin gievgia la damaun a las 09:00.
Guaud giuven po surpigliar funcziun
Schegea ch’i sa tracta d’in guaud da protecziun, n’èsi betg planisà da plantar novas plantas. Sut il territori pertutgà haja tenor Danuser in guaud giuven che possia surpigliar la funcziun da protecziun.
Crudadas èn las plantas pervi dad in uschenumnà «Downburst», in vent crudant che po vegnir avant cura ch’il vent sto surmuntar in culm.
