Festa da gimnastica Tusaun in success

La festa da gimnastica chantunala a Tusaun è a fin. Ils ultims trais dis èn 4’500 gimnastas e gimnasts sa mesirads en las differentas disciplinas da l’atletica leva e da gimnastica. Ils organisaturs tiran ina bilantscha positiva.

La dumengia è stà il di dals uffants e giuvenils. Bild in Lightbox öffnen.

Legenda da maletgs: La dumengia è stà il di dals uffants e giuvenils. RTR, F. Belotti

Sco quai che Curdin Capaul, il president dal comité d’organisaziun ha ditg, hajan els gì 8’000 fin 10’000 gimnasts e visitaders a Tusaun.

Las tendas da festa sajan stadas occupadas fin l'ultim plaz. Incaps u accidents pli gronds n’haja quai betg dà.

Cuntenta cun la festa è era Marlene Hürlimann, la manadra da las cumpetiziuns: «Nus avain gì ina fitg bella festa da gimnastica, e surtut la dumengia han ils uffants pudì profitar da la bell’aura». La blera plievgia da sonda haja engrevgià in pau la situaziun, ma ins haja pudì manar tras tut las occurrenzas sco planisà. Da las gimnastas e dals gimnasts haja ella survegnì blers resuns positivs.

RR Actualitad 06:00