Siglir tar il cuntegn

Header

cuntegn

Festa da musica Parc Ela Tadlar e vegnir tadlà

La festa da musica Parc Ela è stà in success. Giuven e vegl èn s'inscuntrads per far musica, tadlar e vegnir tadlà. Musica da tut different stils ha carmelà per sunar e chantar da cuminanza.

audio
Las impressiuns dal di da festa
ord Actualitad dals 27.06.2022.
laschar ir. Durada: 4 minutas 16 Secundas.

La festa da musica Parc Ela è stà in success. Prest 400 scolars da las scolas d'Alvra e Surses e da la scola da musica Grischun Central han grazia a l'uniun Parc Ela gì la pussaivladad da sa preschentar sin ina da las trais tribunas. Sper ils pli giuvens èn era las diversas societads da musica e diversas furmaziuns da musica popularas e capellas sa preschentadas. Giuven e vegl ha gudì ils divers concerts e la bell'aura da stad. Sper las diversas furmaziuns èn ils visitaders er vegnì divertids cun divers stils da musica. Las scolas d'Alvra e Surses han l'emna passada gì in emna da project cun il focus musica e chant cun il punct culminant la festa da musica Parc Ela.

Ina sfida per il futur da las societads instrumentalas

Claudio Steier, il manader da la scola da musica Grischun Central, observescha sco avant 25 onns er ussa in regress da l'interess dals giuvens e da las giuvnas da far il pass da la scola da musica vi en ina societad da musica.

audio
Claudio Steier davart las sfidas per las societads instrumentalas
ord Actualitad dals 27.06.2022.
laschar ir. Durada: 3 minutas 47 Secundas.
Claudio Steier
Legenda: Claudio Steier, manader scola da musica Grischun Central RTR, Toni Poltera

Per la societad da Ferrera vegn tut memia tard – la societad è vegnida schliada avant paucs dis. Cun paucs musicists e muscisitas han era da cumbatter las societads da Filisur e Bravuogn.

RTR actualitad 07:00

Artitgels legids il pli savens

Scrollar a sanestra Scrollar a dretga