Fiera da Nadal a Cazas - Plaunet sa derasa l'atmosfera da Nadal

La fin d’emna è stà la fiera da Nadal sin la plazza gronda da la clinica Beverin a Cazas. Là hai dà ina gronda purschida e medemamain era bleras attracziuns per uffants.

Far l'atgna chandaila

Tge ch’è dà en egl sch'ins arriva a la fiera, è la pitschna tegia da laina entamez la plazza. Endadens hai dà plirs buccals da tschaira colurada. Christa Innauen è terapeuta en la clinica Beverin, dentant oz gida ella als uffants da decorar las chandailas finidas.

Tut vegn surveglià dals geniturs che sa legran per ils uffants. Ina mamma declera ch’ella na haja betg udì pli insatge da ses uffants e che quai muntia ch’els sajan cuntents e concentrai da far ina chandaila. Ultra da quai hai dà en in’autra stanza la pussaivladad da laschar smincar ed decorar patlaunas.

Betg be vender pervia da daners

I ha da plirs stans cun creflis da Nadal ed stans ch’han brassà liongias ni spiduns da charn. Uschiglio hai dà blers stans nua ch’ins ha pudì cumprar surtut decoraziuns da Nadal per la stiva, per il pignol ni era sculpturas per il curtin.

Andrea Derungs, ina sora da la claustra a Cazas, ha preschentà l’entira purschida da decoraziuns. Tranter auter figuras d’anghels. Spezial vid ses products creativs è che tut e fatg ord da capslas da café.

Agid per vender ha ella survegnì da sia sora. Ella ha gì bler cumpraders dentant far gronda fatschenta n’è betg impurtant.

Tut ils daners ch’ella gudogna quai di, trametta ella en l’Africa dal Sid nua ch’i vegn duvrà per projects caritativs en favur d’uffants.

RTR actualitad 08:00