Filip Dosch na vul betg – Leo Thomann resta sulet candidat

Leo Thomann da Parsonz resta sulet candidat per il presidi communal da la nova vischnanca fusiunada da Surses. Pertge Filip Dosch da Cunter, il deputà en Cussegl grond, na vul betg candidar sco president communal. Quai ha Filip Dosch conferma envers Radiotelevisiun Svizra Rumantscha.

Filip Dosch da Cunter, il deputà en Cussegl grond. Bild in Lightbox öffnen.

Legenda da maletgs: Filip Dosch da Cunter, il deputà en Cussegl grond. RTR, M. Decurtins

Il venderdi passà aveva gia Pauli Dosch detg ch’el na candidescha betg sco president da la nova vischnanca Surses. Sco l'inspectur da scola da Tinizong aveva communitgà a las medias, saja sia decisiun da betg candidar gia crudada mez fanadur. Ed el stettia tar sia decisiun.

Las elecziuns èn ils 20 da settember. La vischnanca nova va alura en vigur cun l’entschatta da l’onn proxim.

RR novitads 12:00