Filisur: Ina blessada tar collisiun

Tar ina collisiun tranter dus autos il venderdi mezdi, è ina persuna sa blessada. Quai scriva la Polizia Chantunala en ina communicaziun.

L'accident è capità sin la via d'Alvra. Bild in Lightbox öffnen.

Legenda da maletgs: L'accident è capità sin la via d'Alvra. Pocha

In’automobilist da 36 onns charrava curt avant las 12 dad Alvagni en direcziun Filisur. Cun ir a sanestra è el collidà cun in auto che vegniva encunter. La manischunza da 66 onns è vegnida lev blessada. L’ambulanza ha transportà ella en il spital da Tusaun. Omadus autos èn vegnids runads davent.