Il preventiv dal 2017 prevesa ina bilantscha equilibrada cun investiziuns ed in gudogn da mintgamai 4,4 milliuns francs. Quai scriva la vischnanca en ina communicaziun. Il quint d’investiziuns prevesa expensas da 380’000 francs cun in plus da 135’000 francs.
Plinavant ha la radunanza communala approvà in credit da 100’000 francs per sanar l’acla Sela, ch’è en possess da la vischnanca. Ils custs per il diever da la rait electrica èn vegnids sbassads per in rap per consuments cun in diever bas, e per 0,5 raps per consuments che retiran blera energia.
