L’immobiglia, il sulom ed ina pitschna serenera èn stimads sin 750'000 francs, in pretsch minimal na datti però betg a l’aucziun. Il cumprader sto però surpigliar ils custs d’administraziun, sch’il pretsch da cumpra na cuvra betg ils custs. Tenor l’uffizi da concurs pudessan quai esser custs en l'autezza da plirs dieschmilli francs.
Datti spierts en l'ustaria?
A Filisur spera la glieud ch’i vegnia puspè vita en la Bellaluna. Quai han diversas persunas ditg envers RTR. Blers discurran schizunt d’ina smaladicziun che paisia sin l’immobiglia. Vi da spierts na crai dentant tuttina nagin dals dumandads.
RR actualitad 17:00