Sco quai che Hans Stäbler, il president da l’Uniun museum da fortezza Crestawald ha ditg, saja la renovaziun vegnida fatga dals commembers da l’uniun en lavur voluntaria. L’entir mobigliar è vegnì endrizzà da nov. Da vesair è era in chanun e mitraglia. La fortezza ch’è zuppentada davos ina fatschada en furma da dus clavads è vegnida construida da l’armada svizra curt avant la segunda guerra mundiala. Dapi ils onns 90 na dovra l’armada betg pli la fortezza. Oz è ella en possess da l’Uniun da fortezza Crestawald che maina là era in museum. La fortezza da Sufers po vegnir visitada mintg’onn l’emprima sonda da l’avust, per gruppas datti visitas individualas.
Radiotelevisiun Svizra Rumantscha ha emess il 2011 in film davart las catacumbas militaras dal 20avel tschientaner. Cliccai qua