Siglir tar il cuntegn

Header

cuntegn

Grischun Central Fundaziun da Nufenen vul spendrar bains culturals

Ina fundaziun ch’è vegnida fundada dacurt, vul spendrar ed archivar artefacts da la cultura dals Gualsers. Finamira a lunga vista è il «Walserama», in museum che vul mussar il mintgadi dals Gualsers a la ruta dal San Bernardino.

audio
Bunura: In museum per ils Gualsers
ord Actualitad dals 23.05.2016.
laschar ir. Durada: 2 minutas 32 Secundas.

Sco quai che Jean-François Tschopp, il president da la fundaziun ha ditg, vegnian bittads davent adina dapli objects da la cultura Gualsra. Cun la fundaziun e pli tard cun il museum veglian ins far insatge cunter quel trend.

Per il «Walserama» ins haja gia en mira ina stalla veglia entamez la vischnanca da Nufenen. Actualmain vegnan ils objects rimnads e magasinads en in provisori. Sch’il museum daventa ina giada realitad, alura quinta il president da la fundaziun cun ina surfatscha d’exposiziun da radund 700 m2, tge che saja la mesadad dal Museum Retic, uschia Jean-François Tschopp.

Per la cumpra dal museum speraTschopp da pudair rimnar 60’000 francs. Actualmain sajan ins anc a la tschertga da daners.

Artitgels legids il pli savens