Grischun Central - Furnaria «Stgier» serra a Lai e Savognin - Novitads

Grischun Central Furnaria «Stgier» serra a Lai e Savognin

Questa primavaira serra la furnaria «Stgier» las filialas a Savognin e Lai. I restan anc las butias a Casti, nua che la producziun sa chatta, la butia a Cazas ed a Valbella, sco era il kiosc en in hotel a Lai.

Autur: Federico Belotti

Sco quai che Claudio Stgier, il patrun da la furnaria «Stgier» ha ditg sin dumonda da RTR, rendian las butias a Lai ed a Savognin adina pli pauc. Quai perquai che la stagiun bassa daventia adina pli curta, e perquai ch'i dettia main clients surtut da la branscha da bajegiar.

audio

Bunura: Pasternaria «Stgier» serra butias a Lai e Savognin

ord Actualitad dals 18.01.2018.

laschar ir. Durada: 2 minutas 44 Secundas.

Uschia reducescha Stgier era il persunal. Da las actualmain 18 plazzas restan a partir da primavaira anc 15 plazzas da lavur cumplainas tar la furnaria. I na dat però naginas relaschadas: Ina emploiada giaja en pensiun, e las autras emploiadas possian lavurar enavant en in dals auters lieus.

Surdar furnaria en auters mauns

Plinavant è Claudio Stgier (52) a la tschertga d'ina successiun. El na veglia en mintga cas betg lavurar sur la vegliadetgna da pensiun ora. Anc na saja nagut decidì. I dettia però ideas per surdar ses manaschi en auters mauns.