Sco quai ch’il votant da Filisur Hans-Jakob Schutz ha ditg envers RTR, vegnia la gruppa d’interess «Pro Filisur» a s’inscuntrar en duas emnas e discutar, tge dumondas che duessan anc vegnir scleridas en il project da fusiun. Felix Schutz, il president communal da Filisur ha ditg, ch’el saja avert per tals discurs.
audio
Bunura: Tge di la populaziun da la fusiun da Filisur e Bravuogn?
ord Actualitad dals 14.01.2016.
laschar ir. Durada: 3 minutas 49 Secundas.
La fusiun vegn accumpagnada dal chantun. Ils plans prevesan, che la fusiun duai ir en vigur sin l’emprim da schaner 2017. L’administraziun communala duai esser a Bravuogn, ed il suveran duai pudair decider sche la nova vischnanca duai avair num Ela u Bravuogn-Filisur. La votaziun da fusiun è planisada per l’avrigl u matg da quest onn.
