Siglir tar il cuntegn

Header

Quatter umens che stattan in sper l'auter.
Legenda: Da san.: Curdin Capaul, president ospital; Reto Keller, directur ospital; Roman Stäbler, manader Spitex Viamala; Johannes Pfenninger, president Spitex Viamala. RTR, Federico Belotti
cuntegn

Fusiun en il sectur da sanadad Ospital Tusaun fusiunescha cun Spitex Viamala

La radunanza generala da l’uniun Spitex Viamala e la radunanza da delegads da la fundaziun da l'Ospital Tusaun han decidì unanimamain da fusiunar la gievgia saira. La fusiun va en vigur il 1. da schaner 2020.

Ils dus partenaris vulan nizzegiar sinergias ed en l’avegnir spargnar custs. A lunga vista saja en vista in potenzial da spargn da radund 100’000 francs ad onn, han ils responsabels da la Spitex ed da l'ospital da Tusaun punctuà a lur radunanzas. Profitar possian era ils pazients ed ils parents, cunquai ch’els hajan en l’avegnir las medemas persunas da contact per las prestaziuns ambulantas e staziunaras.

Contracts da lavur valan vinavant

En ils dus manaschis lavurian 250 persunas, relaschadas na dettia naginas pervi da la fusiun. Ils contracts da lavur existents valan era suenter la fusiun. Cun la fusiun vegn transferida la facultad da l’uniun Spitex Viamala a la fundaziun Ospital Tusaun. La cunvegna da prestaziun cun las vischnancas pertutgant la finanziaziun da sanadad resta sco enfin qua.

RR novitads 23:00