Fusiun Filisur – Bravuogn sa retarda

Las vischnancas da Filisur e Bravugn n’èn betg anc prontas per ina fusiun. Las dus vischnancas en val d’Alvra vegnan a decider il december, e betg gia il zercladur davart ina fusiun.

Bravuogn (foto) n'è betg anc pront per la votaziun da fusiun. Bild in Lightbox öffnen.

Legenda da maletgs: Bravuogn (foto) è betg anc pront per la votaziun da fusiun. RTR, F. Belotti

Davart il stan actual da la fusiun planisada, infurmescha in newsletter en l'internet. Suenter discussiuns intensivas sajan las suprastanzas da Bravuogn e Filisur vegnidas tar la conclusiun, ch’ina fusiun sin il 2017 na saja betg pli pussaivla. I dettia anc differentas dumondas avertas ch’i dettia da sclerir, e quai dovria dapli temp. Il nov termin planisà da fusiun è l'emprim da schaner 2018.