Siglir tar il cuntegn

Header

audio
Muntogna da Schons: L'agricultura sin atgnas vias
Or da Actualitad dals 25.06.2020.
laschar ir. Durada: 3 minutas 2 Secundas.
cuntegn

Fusiun Muntogna da Schons Lescha d’agricultura dat da discutar

Ils 26 da zercladur decidan las quatter vischnancas en Val Schons – Donat, Casti-Vargistagn, Lon e Maton – sch'ellas vulan fusiunar. E lura vegn er decis davart la lescha d'agricultura che valess en la nova vischnanca. A la saira d'infurmaziun per quella lescha dals 12 da zercladur hai dà critica.

Singuls purs han crititgà, ch’i na saja betg democratic, da cumpigliar ina lescha d’agricultura en il project da fusiun, senza ch’ils purs hajan la pussaivladad, d’influenzar la lescha. Sco quai che la gruppa da project da la fusiun Muntogna da Schons ha argumentà saja quai stà impurtant dad ir en votaziun cun il project da fusiun che cumpiglia gia la lescha d’agricultura. Da divers purs saja vegnì il giavisch, ch’els veglian savair tge ch’i spetga sin els en l’agricultura.

La lescha d’agricultura consista or da passa 50 artitgels. Per tschertas fracziuns datti atgnas reglas che correspundan a las leschas da las vischnancas actualas. La fusiun po mo ir en vigur, sche tut las vischnancas dian Gea al project da fusiun. Quai èn Casti-Vargistagn, Donat, Lon e Maton.

audio
Per tadlar curt e cumpact
ord Novitads dals 13.06.2020. Maletg: RTR
laschar ir. Durada: 1 minuta 6 Secundas.

RTR novitads 06:00

Artitgels legids il pli savens