Siglir tar il cuntegn

Header

audio
Bunura: Muntogna – Ziràn ed Andeer na vulan betg fusiunar
Or da Actualitad dals 22.05.2019.
laschar ir. Durada: 3 minutas 4 Secundas.
cuntegn

Grischun Central Fusiun Schons definitiv senza Andeer e Ziràn

Ussa èsi cler: La fusiun da la Muntogna da Schons succeda senza ils vischins giudim la val. Ziràn ed Andeer hajan scrit, ch’els na sajan il mument betg interessads da fusiunar. Quai ha confermà Andreas Heggendorn, il president communal da Maton e president da la gruppa da fusiun.

Tut las vischnancas da la val Schons en ina survista.
Legenda: Tut las vischnancas da la val Schons en ina survista. RTR

Las autras vischnancas duain decider la primavaira

Sche tut va tenor plan, alura pon las vischnancas da Donat, Lon, Maton e Casti-Vargistagn decider la primavaira da l’auter onn davart la fusiun. En vigur duai quella ir il 2021. Ina pussaivladad per il lieu da l’administraziun communala è Farden, ha ditg il president communal da Maton, Andreas Heggendorn. Concret n’è quai dentant anc betg. Il mument datti ina concurrenza per la vopna da la vischnanca fusiunada. Enfin oz n’haja quai anc dà naginas propostas, enfin la fin dal mais ins haja anc peda per inoltrar quellas.

RR actualitad 07:00

Artitgels legids il pli savens