L’exposiziun tematisescha la vita da Giovanni Segantini e mussa intginas ovras betg originalas da Segantini. Era da vesair è ina figura da lain da Segantini, ch’è vegnida fatga da l’artist Inico Cheyselinck. Quai en connex cun Woodvetia, ina campagna per laina svizra.
Sco Judith Burri dal Parc Ela ha ditg envers RTR, veglian els tranter auter far attent la glieud, ch'il pictur renumà haja fatg bleras ovras renumadas a Savognin. Quai na sappian blers betg.
L'exposiziun «Segantini a Savognin» è averta fin ils 29 da settember.
RR actualitad 11:00
