Ils emprims documents davart las minieras sin l’alp Taspegn derivan dal 17avel tschientaner. L’onn 1’611 aveva la Val Schons dà al barun Thomas von Schauenstein il dretg exclusiv, da chavar minerals.
Nov onns pli tard è la firma ida vi en mauns austriacs ed il davos ha ina firma englaisa da Londra manà la miniera, ch’emploiava enfin 70 miniers. L’onn 1872 è la firma ida concurs cun in deficit da 1,2 milliuns francs. La raschun era in retgav da metals memia pitschen e custs da transport memia auts.