La citad da Turitg ha lubì extradas dad 11,882 milliuns francs per sanar l'ovra electrica a Giuvaulta che tutga a las Ovras electricas da Turitg (EWZ). L'ovra en Grischun central tutga gia dapi il 1973 a l'EWZ. L'ovra transportescha l'electricitad producida a Giuvaulta ed è responsabla per il provediment da parts dal Grischun central.
Tschertas parts da la sutstaziun han cuntanschì la fin da lur vita e ston vegnir sanadas. Per garantir il provediment da la regiun er ils proxims decennis, vegnan renovà l'indriz d'auta tensiun da 60 kilovolt, dad 11 kilovolt, ils transfurmaturs da quests indriz sco er l bajetg ed ils indrizs en general.
Per questa renovaziun ha il cussegl da citad lubì ils 11,882 milliuns necessaris. Cun la construcziun vulan ins cumenzar il 2024.