Siglir tar il cuntegn

Header

Uschia pudessi en l'avegnir vesair ora tar il lai da fermada da Solas.
Legenda: Uschia pudessi en l'avegnir vesair ora tar il lai da fermada da Solas. mad
cuntegn

Glisch verda per duas punts Grond sustegn per project turistic ad Alvaschagn

La radunanza communala d'Albula/Alvra ha approvà la revisiun parziala da la planisaziun locala a «Solas». Cun quai èn ademplidas las premissas dal plan d’utilisaziun, per pudair construir duas punts pendentas ed autra infrastructura turistica tranter la punt da Solas ed il lai da fermada da la EWZ.

Ils purtaders dal project «Aventura Alvra» vulan realisar duas punts pendentas, che van sur il flum Alvra, in project turistic che duai attrair in grond public. Cumprovas davart la realisabladad e retschertgas davart consequenzas per l’ambient èn gia avant maun.

Ils iniziants dal project han tschintg onns peda per realisar il project. Vegn quel betg realisà entaifer quest temp, scroda la decisiun da la radunanza communala, ed i dovra ina nova revisiun parziala da la planisaziun locala.

Sper la via chantunala tar l’ustaria Punt da Solas duess vegnir construì in center per visitaders cun 100 parcadis. Davent da là duessi dar ina punt pendenta da 120 meters lunghezza che va en la chavorgia sur il flum Alvra dasper il lai da fermada da Solas. Suenter ina storta en ina caverna, duess ina segunda punt pendenta da 240 meters lunghezza manar vi enfin tar la punt da Solas da la Viafier retica.

Ils 20 da mars ha la Regiun Alvra preschentà il project

video
«Aventura Alvra»
Or da Telesguard dals 21.03.2019.
laschar ir

RR actualitad 12:00

Artitgels legids il pli savens

Scrollar a sanestra Scrollar a dretga