I spetga ina fin d’emna plain acziun a Lai. Ils megliers mountainbikers sco era ils megliers ciclists da downhill dal mund cumbattan a Lai per plazzas da podest.
Durant l’entira fin d’emna vegnan spetgads radund 15’000 aspectaturs che vulan guardar las abilitads da Nino Schurter e co. En mintga cas dastgan ils ciclists sco era il aspectaturs sa legrar sin ina fin d'emna cun bler sulegl e temperaturas da stad.
Era il comité d’organisaziun ha plaschair da las aspectativas e sa legra sin ina buna fin d’emna cun usché paucs accidents sco pussaivel. Quai ha ditg Reto Laim, responsabel per las cassas sin l’entir areal da la cuppa mundiala, a RTR.
-
Bild 1 von 8. Avant las qualificaziuns èsi plitost ruassaivel tar la staziun da val Rothorn a Lai. Bildquelle: RTR, Silvana Degonda.
-
Bild 2 von 8. Differents teams èn preschents cun stans. Bildquelle: RTR, Silvana Degonda.
-
Bild 3 von 8. Era quest onn sa mesiran ils megliers mountainbikers dal mund a Lai. La fotografia mussa la cursa dal 2015. Bildquelle: Keystone.
-
Bild 4 von 8. Lavar il velo sto er esser. Bildquelle: RTR, Silvana Degonda.
-
Bild 5 von 8. Era suenter ch'ils emprims arrivan... Bildquelle: RTR, Silvana Degonda.
-
Bild 6 von 8. ...hai anc betg blers aspectaturs il venderdi suentermezdi a Lai. Bildquelle: RTR, Silvana Degonda.
-
Bild 7 von 8. Er ils pitschens mountainbikers pon anc mussar tge ch'els san. Bildquelle: RTR, Silvana Degonda.
-
Bild 8 von 8. Las ristgas da las cursas da downhill n'ên betg da sutvalitar... Bildquelle: RTR, Silvana Degonda.
Gia avant bun in’emna han cumenzà las lavurs da construcziun. En acziun èn radund 30 persunas da l’armada e var 200 voluntaris.
Impressiuns da Lai
RR actualitad 11:00