La radunanza communala dad Albula/Alvra ha approvà ier saira cun gronda maioritad in credit brut da 2,1 milliuns francs per extender l'access da guaud Sulom – Lueras ad Alvaschagn. Il traject da la via che sto vegnir fatg mesira 1'320m. La contribuziun da Chantun e Confederaziun muntan a 315'000 francs. La vischnanca paja 775'000 francs. Il project duai vegnir realisà tranter la primavaira 2018 enfin il 2019.
Plinavant ha il suveran dad Albula/Alvra approvà la lescha da taxas e la lescha da polizia e quai mintgamai cun gronda maioritad.
RR novitads 09:00