Legenda:
Roman Bergamin, il manader da la regiun Grischun Central vesa grond potenzial per il traffic public.
RTR, Federico Belotti
cuntegn
Grischun Central - Alvra: In studi duai procurar per in meglier traffic public
Il biro da la planisaziun dal traffic Hartmann & Monsch SA da Parpan elavurescha in studi che duai sclerir, co ch’il traffic public en la regiun Alvra pudess vegnir meglierà. Pitschnas midadas duain esser pussaivlas sin la proxima midada d’urari e midadas pli grondas duain succeder in onn pli tard.
Il studi vegn elavurà sin incumbensa da la Regiun Alvra. Roman Bergamin, il manader da la Regiun Alvra di: «L’onn passà avain nus gì bleras sedutas cun ils candidats da la regenza, e nus avain adina sentì quant impurtant ch’il traffic public en la regiun è». Nus avain piglià si quai e vulain ussa guardar co ch’i stat propi cun il traffic public. Il studi duai sclerir las flaivlezzas en l’urari, e guardar nua ch’ins savess far midadas. Sin basa dal studi vul la Regiun Alvra lura discutar cun la regenza, tge ch’è tut pussaivel da finanziar.
