Grischun Central - Andreas Hirn daventa nov co-schefmedi a Savognin
Il Center da Sanadad Savognin SA ha elegì Dr. Andreas Hirn sco nov co-schefmedi. Sco quai che la direcziun scriva, cumenza il medi l’emprim da fanadur 2016.
Legenda:
Andreas Hirn è spezialist d'anestesia.
mad
Il pensum da lavur d'Andreas Hirn munta ad 80%. 50% vegn el a lavurar en l’anestesia e dasperas vegn el a lavurar sco medi da chasa en l’ospital da Savognin.
Il nov medi ha 58 onns, è maridà e bab da trais uffants creschids. Ultimamain ha el lavurà en ina clinica a Müllheim/Baden. Andreas Hirn vegn a manar ils servetschs medicinals ensemen cun Dr. Med. Cyrill Beeler, Dr. Med. Stephan Remer, e Prof. Dr. Med. Martin Staritz.
