Legenda:
Il territori periclità (Il Crap sot igls Munts è en il chantun giudem dretg)
google earth
cuntegn
Grischun Central - Approvà project «Crap Sot igls Munts»
La protecziun da la lingia da viafier da l'Alvra duai vegnir garantida a moda persistenta. Per quest motiv ha la regenza grischuna approvà il project «Crap Sot Igls Munts» che duai proteger da bovas e lavinas. Persuenter ha ella segirà ina contribuziun finanziala da 637'500 francs.
La lingia da l'Alvra vala sco axa da traffic principala en direcziun da l'Engiadina ed ha cun circa 50 trens per di ina gronda intensitad da traffic. Las ovras da protecziun existentas en il territori "Crap Sot igls Munts" èn vegnidas construidas avant plirs decennis ed èn ussa en in fitg nausch stadi. Sin basa da questas circumstanzas ha la Viafier retica incumbensà il chantun d'examinar e d'elavurar mesiras tecnicas per reducir la situaziun da privel.
