
Producida vegn la naiv artifiziala en containers, nua che la naiv vegn silsuenter sufflà ora en il liber. Cun ina tecnica da sfradentar vegn aua sfradentada giu fin che quella è schelada. Producids vegnan pitschnas plattinas da glatsch, quai or d’aua e senza chemia. A partir da l’entschatta da november vegn la naiv producida repartida sin in percurs da 1.5 fin 2 kilometers tar l’arena da biatlon. Sch’il test da pilot sa cumprova, vul l’arena da biatlon installar in indrizs stabel da producir naiv artifiziala.