Glindesdi da mezdi è in auto brischà sin la via dal Meir (Schyn) a Seglias en Tumleastga. Nagin è vegnì blessà, scriva la polizia chantunala en ina communicaziun.
In automobilist e sia passagiera charravan da Tusaun vers Casti. Cunter las 12.30 han els suenter il tunnel da Seglias constatà, che fim entra sur il stgaudament en l’auto. Sin in areal per laina han els parcà l’auto, nua ch’els èn sortids. Curt suenter ha l’auto entschet ad arder. Ils pumpiers da Lai e da Tusaun han stizzà il fieu. Tenor la polizia tracti probablamain d’in defect tecnic.
