audio
Mezdi: Forum d'emprendists Gastro GR
ord Actualitad dals 20.09.2016.
laschar ir. Durada: 2 minutas 46 Secundas.
En gruppas da mintgamai quatter emprendistas ed emprendists han ils participants dal 14avel forum per emprendists da la gastronomia e hotellaria rimnà alternativas per il sport d’enviern. Sco quai che Richard Decurtins, il responsabel dal workshop da Gastro Suisse ha ditg, ins veglia publitgar las meglras ideas sin la pagina d’internet da Facebook. Las ideas na duain betg simplamain svanir en in truclet. Cun agid dals emprendists duain las ideas vegnir sviluppadas enavant, uschia che l’ina u l’autra idea pudess ils proxims onns daventar realitad.
Intginas ideas dal workshop
- Viadi en ina pendiculara che penda mo pauc sur la terra: sin differents stops èsi pussaivel da mangiar e sa divertir
- Egliers da «virtual reality» che simuleschan in viadi enturn il mund u in tren da spierts
- Mintga pèrin che vegn en vacanzas survegn in ipad ch’infurmescha davart tut las occurrenzas
- Ina chasa da wellness nua ch’i dat era massaschas da tschigulatta
- In viadi da plirs dis tras il Grischun cun in quad
- Occurrenzas per pensiunads, che sa drizzan atgnamain ad in public pli giuven