-
Bild 1 von 12. Malgrà las temperaturas chaudas n'è il chastè da glatsch betg anc luà. Bildquelle: RTR, Federico Belotti.
-
Bild 2 von 12. Questa gruppa ha gì grond plaschair da mangiar il fondue en il Quadrin. Bildquelle: RTR, Federico Belotti.
-
Bild 3 von 12. Il Kurhaus da Bravuogn maina la restauraziun. Bildquelle: RTR, Federico Belotti.
-
Bild 4 von 12. La restauraziun ha lieu en quest Quadrin da la firma Uffer da Savognin. Bildquelle: RTR, Federico Belotti.
-
Bild 5 von 12. En il Quadrin pon ins magliar fondue ed autras spaisas pitschnas. Bildquelle: RTR, Federico Belotti.
-
Bild 6 von 12. Philip Erber lavura en il Quadrin tranter Preda e Bravuogn. Bildquelle: RTR, Federico Belotti.
-
Bild 7 von 12. Qua vegn preparà il fondue a discretion. Bildquelle: RTR, Federico Belotti.
-
Bild 8 von 12. Il parcadi per las scarsolas tar il chastè da glatsch. Bildquelle: RTR, Federico Belotti.
-
Bild 9 von 12. Sin questa punt a Preda cumenza l'aventura da scarsolar. Bildquelle: RTR, Federico Belotti.
-
Bild 10 von 12. Hans-Andrea Barandun, il directur da Bravuogn-Filisur Turissem en acziun. Bildquelle: RTR, Federico Belotti.
-
Bild 11 von 12. Hans-Andrea Barandun, il directur da Bravuogn-Filisur Turissem davant il chastè da glatsch. Bildquelle: RTR, Federico Belotti.
-
Bild 12 von 12. Hans-Andrea Barandun, il directur da Bravuogn-Filisur Turissem davant il chastè da glatsch. Bildquelle: RTR, Federico Belotti.
In dals megliers dis da l’enviern saja stà il 29 da december nua ch’ins haja dumbrà dapli che 3000 scarsoladras e scarsoladers. Malgrà blers dis chauds durant l’enviern ins haja mo gì da serrar in di la via da scarsolar, e quai pervi da privel da lavinas, ha ditg Marc-Andrea Barandun. Las cifras dal favrer n’èn betg anc vegnidas examinadas.
Nov chastè da glatsch attira blera glieud
In grond success saja era stà il nov chastè da glatsch sin mesa via tranter Preda e Bravuogn. Quest chastè da glatsch ha differentas turs ed ha in’autezza da circa 10 meters. En il Quadrin sut in viaduct da la Viafier retica nua ch’ins po mangiar fondue e baiver insatge datti plaz per radund 30 persunas. Ins saja fitg cuntent cun las frequenzas, ha ditg il directur da Bravuogn-Filisur Turissem. Sch’ins chattia era l’auter onn puspè avunda sponsurs, alura saja l’idea da cuntinuar era il 2021 cun il chastè da glatsch.
RTR actualitad 11:00