Siglir tar il cuntegn
La butia da chaschiel è gia vegnida serrada.
Legenda: La butia da chaschiel è gia vegnida serrada. RTR, Federico Belotti

Grischun Central Chascharia da Savognin na duai betg murir

La chascharia da Savognin vegn serrada la fin dal 2016. Ils purs che possedan il bajetg vulan en l’avegnir puspè far chaschiel. 1,8 milliuns francs duain vegnir investids.

La societad chascharia Savognin e conturn ha gia fatg la dumonda per in sustegn finanzial al chantun ed a la Confederaziun. Luzi Steier, il president da la societad, quinta ch’il maun public sa participescha cun circa in quart vi dals custs.

Manaschi anc betg organisà

Tgi che maina lura la chascharia e la butia è anc intschert. Cun interpresas che pudessan cumprar il chaschiel èn ils purs en contact.

Per l’auter onn ha la societad da chascharia Savognin e conturn in contract cun l’anteriura fittadina da la chascharia da Savognin, la Bergsenn SA. Uschia vegn tut il latg da Savognin tramess a Mustér en la Sennaria Surselva per l’elavuraziun.

RR actualitad mezdi 11:00

Artitgels legids il pli savens